Viveiro de empresa

O CIFP Paseo das Pontes dispón dun viveiro de empresa,que ten como obxectivo facilitar aos alumnos e exalumonos de centros sostidos coon fondos públicos, o espazo e asesoramento axeitados para a posta en marcha dun negocio ou de proxectos empresariais viables.

Que ofrece o noso viveiro de empresas?

Asesoramento:

Formación e apoio do profesorado que imparte formación relacionada co sector no que se desenvolverá o proxecto.
Titoría pola coordinadora ou coordinador de emprendemento, responsable do seguimento e da orientación no teu proxecto.
Asesoría de persoal técnico especialista do IGAPE.

Instalacións:

Local axeitados para o desenvolvemento de actividades das persoas emprendedoras.
Moblaxe básica propia dunha oficina, cos equipamentos informáticos e de telecomunicacións axeitados.

Servizos:

Servizos asociados ás infraestruturas (seguridade, limpeza, luz, etc.).
Servizos auxiliares da actividade empresarial como conexión a internet.
Difusión da túa empresa a través da páxina web www.edu.xunta.es/fp.

Requisitos de acceso
Alumnado matriculado (ou que rematara os seus estudos nos últimos catro anos) nalgunha ensinanza sostida con fondos públicos de Galicia de: formación profesional, artes plásticas e deseño; superiores de deseño, de conservación e restauración de bens culturais, de arte dramática, de música, de danza; deportivas, bacharelato e educación secundaria para persoas adultas (ESA).
Ter un proxecto empresarial a desenvolver na Comunidade Autónoma de Galicia.
Presentar un Plan de Empresa que garanta a viabilidade do proxecto.